名：無名香港市民 Anonymous
性別：女
歲：25-30
現職迷途小書僮

由細到大嘅經歷，令我好明白咩叫「人善被人欺」。講緊嘅唔係要做惡人，而係面對他人對你施惡行時，必定要出聲反抗，並誓保弱小，否則惡勢力只會更壯大，而弱小嘅只會更微弱甚至消失。

仲記得雨傘革命時，我因病左，半身不遂，唔單止無參與任何活動之餘，亦係一個中立分子。當時我曾預言呢場運動會散，因為我見到嘅係各種分化、抽水、嘉年華、無深思熟慮嘅大台、以及一堆以極權反極權嘅傘運分子。以上種種令我覺得非常失望，亦令我開始反思，究竟爭取嘅係一個以民主為名嘅共產黨，定係真係一個雙普選。

直到「魚蛋事件」，警察嘅一槍令我由藍變黃。無錯，警察係推動我愈走愈前嘅一大助攻。

當年，我仲係一個大愛人士，TVB 播緊「暴徒」掟磚，我就同屋企人一齊屌，話掟磚唔岩。直到警察開咗一槍實彈，我開始諗：喺一個人煙稠密、大廈林立嘅地方開槍，究竟合唔合適呢？槍同磚頭，究竟係咪對等武力呢？如果有流彈又點算呢？呢堆問題，我攞出去問身邊親友，得出嘅答案大都係「示威者唔岩！鬼叫佢哋掟磚！」而非思考警察嘅反擊喺咪合理。

事隔幾年，2019 年 6 月 12 號，我同朋友一齊罷工，去咗夏慤道，之後因亂失散咗。佢離催淚彈較近，而我較遠，於是逃過一劫。事後睇番新聞，一名警員水平瞄頭開槍，呢一槍又再狠狠震撼我。

當下，我開始學識問「點解」。

點解示威者要掟磚？點解警員要瞄頭？點解一切會發生？⋯⋯

有關故事。。。

【影片】「土家」幹事瑞玲、阿彬 | 以發展之名被連根拔起的「家」——離別在即，社區未完

喺一連串點解之下，當晚我攞咗物資去中環。啲物資多到物資組要停收再搵車搬走。我無聊去咗皇后像廣場後少少位置望吓，原來前線已 set 到附近。我好想知，其實前線嘅人係咩人，於是行咗去較前位置。突然一位絲打同我講：「我哋無物資！你哋後面有無？」我嗰吓呆咗，明明下面距離無幾遠嘅地方啲物資多到無位放要停收，前線竟然無？！當時我回想番中午嘅情況，就跑咗落斜，去返公園附近嘅位置將物資運上去。跑咗幾轉，我明白咗樣嘢，無乜人係敢上前線，而前線嘅人，好多同我差唔多大甚至細過我⋯⋯ 跑咗幾轉後，有巴打喺中排話有速龍嚟緊，當時我好驚，對唔住，真係走咗先（仲好記得長毛就走喺我前面，佢一聽到速龍就快閃咗）。

嗰晚我好擔心，諗咗成晚，佢哋真係無乜 gear，個個仲戴住普通醫生口罩咁上前，我自己又做過啲咩呢？

之後，我由物資組走前變哨兵，再由哨兵變咗前線，再由前線變咗 1st line 攞盾，成個過程，一個月都無。

七月中，我已經係一個頗有經驗嘅前線分子，但仲係一塊磚都無掟過。

喺前面，我都係集中救人、擋彈，會偶爾受傷，但問心無愧。

直到 2019 年 8 月 11 號，當日我有啲唔舒服早咗退場，夜晚追 live 時見到爆眼一幕，成個人崩潰咗⋯⋯

一直以嚟，我都係維持住非暴力救人原則上前線，但警察開第三槍，令我成個人覺醒咗。其實我哋真係一直玩命⋯⋯

之後，我嘗試咗第一次掟磚，亦嘗試咗廢老打人時還拖⋯⋯

每次我都提自己，唔好迷信所有事都能靠暴力解決，我哋只係自衛。的確，去到今日，我已學識用武力自衛。

我係一個絲打，我原本係一個和理非。究竟咩事令到我愈走愈前？究竟咩事逼使我要同家庭決裂？究竟咩事逼使我上完戰場，返到去仲chur 盡做文宣？

我諗一切嘅答案只有一個：暴政。

暴力分兩個層面，「形而上」同「形而下」。形而下好簡單，一塊磚一粒實彈，大家有眼睇。形而上嘅暴力係最恐怖，亦最受忽視：警暴不用負責、撐警者不用起訴、政府不用回應，甚至帶頭造假、官商警黑勾結⋯⋯ 一切一切，都逼使一堆天生唔係勇武嘅人去勇武。

其實我真係好想好和平咁生活，好想星期六日去拍拖去睇戲去行街，好想繼續學返嘢⋯⋯ 想做嘅有好多。我亦好明白，假如有日被捉，面對嘅係起碼十年「無得你諗」⋯⋯

不過，我仍會繼續出嚟，因為今日再唔出嚟，惡人只會更惡，最後吞噬你。

最後，希望各位知道，恐懼係極權嘅食糧，你愈恐懼唔去對抗，極權就只會更強大，嗰時就為時已晚。

閱讀更多故事

香港人的故事

【影片】Warren Stuart | 滑板教父——持之以恆以及滑板社群 (第一部分)

Warren Stuart是有份建立本地滑板圈子的香港人。在第一部分，Warren會談及他早期踩滑板的經歷、説明現時香港踩滑板的情況，以及給滑板新手的一些分享。

Gary Yau | 香港路牌與監獄體保育

Gary Yau，一位二十多歲的香港人，2016年創立「道路研究社」，花了幾年時間為香港僅餘的5、6百塊「監獄體」路牌作記敍，並透過出書、帖文，重現「監獄體」—— 香港特有的中英雙語路牌字體，分享道路相關知識。

Michelle Cheung | Paragon Tea Room：以茶奉有識之士

Michelle Cheung 是個經驗豐富的年輕商人，在咖啡店滿佈的溫哥華街頭引起熱話。剛迎來開店2周年的Paragon Tea Room是她的傾心之作，在Google擁有高達4.8顆星的評價，整個大溫哥華地區的人都慕名而來。在香港土生土長的Michelle其實從未想過在加拿大發展事業，而她正讓溫哥華的人接觸東方的茶文化，並希望有朝一日讓香港臉上有光。繼續讀下去，聽聽Michelle開設Paragon Tea Room的理念和故事吧。

【影片】「土家」幹事瑞玲、阿彬 | 以發展之名被連根拔起的「家」——離別在即，社區未完

土瓜灣故事館，簡稱「土家」，在2014年進駐土瓜灣鴻福街，現由「維修香港」與「社區文化關注」合力經營。「土家」是一個特別的社區公共空間，致力推動社區營造和記錄本「土」故事的工作，旨在進入社區、感受人文生活，慢慢凝聚一個屬於土瓜灣的「家」，並以本「土」故事館為大本營，希望建立家人一般互助的社區，守護這個盛載無數生活故事的地方。隨著土瓜灣重建計劃陸續展開，加上「土家」亦被納入重建範圍，一眾「土家」成員與街坊加快腳步，維繫與記錄漸漸消失的舊區文化與情懷。這次訪問，我們有幸請來瑞玲和阿彬這兩位成員，與我們分享「土家」的工作，以及面對重建、迫遷的感受。